యెహోవా నా బలమా యధార్థమైనది నీ మార్గం
పరిపూర్ణమైనది నీ మార్గం ||యెహోవా||

1. నా శత్రువులు నను చుట్టినను నరకపు పాశములరికట్టినను
వరదవలె భక్తిహీనులు పొర్లిన వదలక నను
ఎడబాయని దేవా ||యెహోవా||

2. మరణపు టురువులు మరువక మొరలిడ ఉన్నతదుర్గమై
రక్షణ శృంగమై తన ఆలయములో నా మొరవినెను
అదిరెను ధరణి భయకంపముచే ||యెహోవా||

3. నా దీపమును వెలిగించువాడు నా చీకటిని వెలుగుగ
జేయున్ జలరాసులనుండి బలమైన చేతితో వెలుపల
జేర్చిన బలమైన దేవుడు ||యెహోవా||

4. పౌరుషము గల ప్రభు కోపింపగ పర్వతముల పునాదులు
వణకెను తన నోటి నుండి వచ్చిన అగ్ని దహించివేసెను
వైరుల నెల్లను ||యెహోవా||

5. మేఘములపై ఆయన వచ్చును మేఘములను
తన మాటుగ జేయును ఉరుముల మెరుపుల మెండుగ జేసి
అపజయమిచ్చును అపవాదికిని ||యెహోవా||

6. దయగలవారిపై దయచూపించును కఠినుల యెడల
వికటము జూపును గర్విష్ఠుల యొక్క గర్వము నణచును
సర్వము నెరిగిన సర్వాధికారి ||యెహోవా||

7. నా కళ్ళను లేడికాళ్ళగ జేయును యెత్తైన స్థలములో
శక్తితో నిలిపి రక్షణ కేడెము నాకందించి అక్షయముగ
తన పక్షము జేర్చిన ||యెహోవా||

8. యెహోవా జీవము గల దేవా బహుగ స్తుతులకు
అర్హుడ నీవు అన్యజనులలో ధన్యతజూపుచు హల్లెలూయా
స్తుతిగానము జేసెద ||యెహోవా||