యెహోవానైన నేను మార్పు లేని వాడను గాన
యాకోబు సంతతివారగు మీరు లయము కాలేదు (2)
1. దేవుడెహోవ మనుష్యుడు కాడు - మాట మీరని వాడు
పశ్చాత్తాప పడడే మాత్రం - అబద్ధమాడ నేరడు
2. నా దాసుడైన దావీదు నిమిత్తము - నాదు నిమిత్తమును
ఈ పట్టణమును కాపాడి రక్షింతు - వేరుతన్ని వారెదుగుదురు
3. యాకోబు దేవుని నామము నిన్ను ఉద్ధరించును గాక
ఆపత్కాలమందున నీకు ఉత్తరము నిచ్చును గాక
4. సైన్యము లధిపతి ప్రత్యక్షమై - తన ప్రజలను రక్షింప
కిరీటమందలి రత్నములవలె - సురక్షితముగ నుండెదరు
5. గాలివానకు ఆశ్రయమై - పగటి ఎండకు నీడై
పర్ణశాల నొకటి యుండగ - సురక్షితముగ నుండెదరు
6. మహిమ యంతటి పైన తనదు - వితాన మేఘము నిలచు
సీయోను నందలి ప్రతి స్థలమందు ప్రభావ మహిమ ప్రజ్వలించు
7. లెమ్ము నీవు ఓ సీయోను - ధరియించు నీదు బలమును
లోనికి రాడు అన్యుడెవడును - హృదయ సున్నతి లేనివాడు