యేసయ్య నా ప్రాణమా ఘనమైన స్తుతిగానమా
అద్భుతమైన నీ ఆదరణే
ఆశ్రయమైన నీ సంరక్షణయే
నను నీడగ వెంటాడెను
నే అలయక నడిపించెను
నా జీవమా – నా స్తోత్రమా నీకే ఆరాధన
నా స్నేహము – సంక్షేమము – నీవే ఆరాద్యుడా

1. చిరకాలము నాతో ఉంటానని
క్షణమైనా వీడిపోలేదని
నీలో ననుచేర్చుకున్నావని
తండ్రితో ఏకమై ఉన్నామని
ఆనందగానము నే పాడనా – (2)
ఏదైనా నాకున్న సంతోషము
నీతోనే కలిగున్న అనుబంధమే  (2)
సృజనాత్మకమైన నీకృప చాలు
నే బ్రతికున్నది నీకోసమే  (2)    ||యేసయ్య||
                               
2. జీవజలముగా నిలిచావని
జలనిధిగా నాలోఉన్నావని
జనులకు దీవెనగామార్చావని
జగతిలో సాక్షిగాఉంచావని
ఉత్సాహగానము నే పాడనా – (2)
ఏదైనా నీకొరకు చేసేందుకు
ఇచ్చితివి బలమైన నీశక్తిని  (2)
ఇదియేచాలును నా జీవితాంతము
ఇల నాకన్నియు నీవేకదా  (2)   ||యేసయ్య||
                              
3. మధురముకాదా నీనామధ్యానం
మరుపురానిది నీ ప్రేమమధురం
మేలుచేయుచు ననునడుపువైనం
క్షేమముగా నా ఈలోకపయనం
స్తోత్రగీతముగా నేపాడనా – (2)
నిజమైన అనురాగం చూపావయ్యా
స్థిరమైన అనుబంధం నీదేనయ్యా  (2)
స్తుతుల సింహాసనం నీకొరకేగా
ఆసీనుడవై ననుపాలించవా  (2)   ||యేసయ్య||

స్తుతిపాత్రుడా – స్తోత్రార్హుడా నీకే ఆరాధన
ఆనందమే పరమానందమే – నీలో నా యేసయ్య