యేసుక్రీస్తు ప్రభువా మేము నీ మోక్షముఁ బొందుటకు దోసపు
లోకము లోనికి వచ్చితి దోషులఁ బ్రోచుటకు ||యేసు||

1. పరిశుద్ధుఁడ వీవు ఇలలో పాపుల నందరిని పరిపరివిధ కృప
వాక్కులతోడను పిలిచితి వెల్లప్పుడు ||యేసు||

2. సత్యపు నడతలతో జగతిని సర్వాద్భుతములను నిత్యముఁ జేయుచు
నీ కృప చాల యిలలోఁ దెల్పితివే ||యేసు||

3. అతి పుణ్యాత్ముఁడవే క్షితిలో వెతలను బొందితివే మృతిని బొందియు
మూఁడవ దినమున బ్రతికియు లేచితివే ||యేసు||

4. పాపుల మని తెలిసి నీదగు దాపున జేరఁగనే పాపముఁ బాపుచు
ప్రాపుగ నుండెడి ప్రభుఁడవు నీవెగదా ||యేసు||

5. దురిత వితతి దూరా నమ్మిన దురితుల స్నేహితుఁడా నిరతము
మమ్మును నీ కృప లోపల నిలకడగాఁ బెంచు ||యేసు||

6. నోరు నిండ నెదలో నీ కృప ప్రేరేపణఁగలిగి సారెకు వేఁడెద
ముర్వికి రక్షణ కారకుఁడా నిన్ను ||యేసు||