యేసు క్రీస్తుని గొల్వ రన్న యీ జగతిలోన నెవ్వరు లేరు వాని కన్న
యేసుని వాక్యము ఎవ్వరి కబ్బునో దోసము విడి పర వాసము దొరకును
||యేసు||

1. సత్యుఁడు నిత్యుఁడాయ నన్న యీ సర్వ సృష్టిఁ జక్కఁగ సలిపి నిలిపె
నన్న వ్యత్యాసము లే మియు లేకుండఁగ సత్యుండు చేసెను సర్వజగం
బును||యేసు||

2. నిరాకారుఁడు నిశ్చయుఁడన్న నరుల రక్షింప నరావతారుఁడై నాఁడన్న
నరుల పాపములుఁ పరిహరించుట కొరకై మరియ కొడుకై పుట్టెను
||యేసు||

3. పరిశుద్ధవంతుఁ డాయ నన్న ప్రభు యేసు నందఁ పాపమే గానఁ
బడుట సున్న పరులను గావను ధరలోఁ దిరిగెను నరుల నడుమ బహు
నిరపరాధముతో ||యేసు||

4. భేదాభేదములు గాని బోధ నాధుఁడొనరించె సాధు లెల్లను సంతోషింప
బాధలుఁబడు స ద్రిక్తులతోడను సాదర వాక్కులు జక్కగ పలికెను
||యేసు||

5. మహిలోన మనుజు లెవ్వ రైనఁ జేయ లేనట్టి మహిమాద్బుతములఁ
జేసె నన్న మహా రోగులను మఱి మృతులను మహా మహుండు స్వస్థుల
మఱి గావించెను ||యేసు||

6. వర్ణింప వలనుకాని వాఁడు మన కోసర మతడు మరణమై మరల
బ్రతికినాడు పరలోకమునకు మరి వేంచేసిన పరుఁ డగు క్రీస్తుని
పాదముఁ బట్టుము ||యేసు||

7. పరిశుద్ధ దూతల నాదముతో ప్రభు యేసు క్రీస్తు ప్రకాశ వస్త్ర
మహిమలతోఁ పరమునుండి బహు త్వరగా వచ్చును ధరలో నమ్మిన
నరులను బ్రోచును ||యేసు||

8. న్యాయంబు దీర్చు దినము గలదు నమ్మని వారెల్ల సాయంబు వెదకినను
గనపడదు సువార్త న్యాయముఁ దీర్చును నడవడి చొప్పున నమ్మని
పాపుల నరకము జేర్చును ||యేసు||

9. నమ్మండీ నష్టము నొందక యేసుని నమ్మిన పొమ్మని చెప్పఁడు సుమ్మండి
ఇమ్ముగఁ గృపతో నిలలోఁ గాచును పిమ్మట మోక్ష పురమునఁ జేర్చును
||యేసు||