యేసుని సేవింప దయచేసితివి ప్రేమస్వరూప యేసుని దాసులనందరిని
దరి జేర్చుటకును వాసికెక్కి పరవాసము చేసెడి ||యేసుని||

1. ఆదియందు భూమ్యాకాశంబుల శక్తి ఆత్మ నింపార సృజించిన ||యేసుని||

2. శత్రువులగు జనసంఖ్యను బొడగని మిత్రుడగుచు దనమేను నొసంగిన
||యేసుని||

3. పాపులెల్ల దనప్రాపుగోరుకొని దాపుగరండని దయచేఁ బిల్చెడి ||యేసుని||

4. సకల శుభంబులు చక్కఁగ నిచ్చుచు సకలభక్తులను సమముగఁ జూచెడి
||యేసుని||

5. తన్ను నమ్ముకొని యున్న దీనులకు దన్నుగ నుండెడి సన్నుతుడగుమా
||యేసుని||

6. చక్కని గుణములు లెక్కలేక తన చక్కని యాత్మను చిక్కగఁబట్టిన ||యేసుని||

7. లోకమంతయును లోఁబడుచుండఁగ నేక ప్రభువై యేలుచుండుమా
||యేసుని||